Последние публикации

Макмал боюнча эл арасында коомдук талкуулар өтүүдө

Макмал боюнча эл арасында коомдук талкуулар өтүүдө

Фото: Коомдук талкуулар 13 айылда өттү.

“Кыргызалтын” ишканасы Тогуз-Торо районунда Макмал алтын кенинин ишин узартуу маселесине байланыштуу эл арасында коомдук талкууларды өткөрүп жатат.

Мекеменин маалыматына караганда, бир жума ичинде Жалал-Абад облусунун 13 айылында эл менен жолугушуу өткөрүлдү.

“Кыргызалтындын” жетекчиси Алмаз Алимбеков инвесторду тартуу иши ачык жүргүзүлөрүн айтты. Мында жергиликтүү тургундар менен диалог маанилүү экенин белгиледи.

Инвесторду тандоо сынагы быйылкы жылдын аягына чейин өтөрү, комиссиянын курамына Тогуз-Торо районунун беш айыл өкмөтүнүн өкүлдөрү да кирери айтылды.

Өкмөт башчы Мухаммедкалый Абылгазиев кен боюнча сынак өткөрүүгө даярдыкты жана жергиликтүү эл арасындагы түшүндүрүү иштерин күчөтүү зарыл экенин ушул айдын башында “Кыргызалтындын” ишмердүүлүгүнө байланыштуу жыйында айткан.

“Макмалалтын” комбинатынын аймагына "Жи Эл Макмал девелопинг" компаниясынын ишмердигине каршы жергиликтүү тургундар жыл башынан бери бир нече жолу митинг өткөрүшкөн. 11-апрелдеги нааразылык акциясында ишканага таандык, жаңы курулуп жаткан имарат өрттөлгөн.

Ссылка на оригинал публикации : www.azattyk.org

Только зарегистрированные пользователи могут оставлять комментарии. Если у вас есть аккаунт на сайте, пожалуйста, войдите.
Только зарегистрированные пользователи могут отправлять запросы в Комиссию по рассмотрению жалоб на СМИ. Если у вас есть аккаунт, пожалуйста войдите.

Пока ни одного комментария...