Последние публикации

Москвада Кыргызстандын 120 жараны кармалды

Москвада Кыргызстандын 120 жараны кармалды

28-августта жүргүзүлгөн ыкчам-иликтөө иш-чарасынын жүрүшүндө Россиянын борборунда 120 Кыргызстандын жараны кармалган. РФнын укук коргоо органдары миграция кызматы менен биргеликте жүргүзгөн мындай текшерүүнүн максаты этникалык кылмыштуу топторго тиешеси бар жана Россиянын аймагында мыйзамдуу жүрүү укугу жок адамдарды аныктоо болуп саналат. Мында негизинен Кыргызстандын жарандары эс ала турган көңүл ачуучу жайлар текшерүүгө алынган. Иш-чаранын жүрүшүндө кармалгандардын бардыгы дактилоскопиялык текшерүүдөн өткөрүлүп, фотосүрөтү тартылып алынып, каттоосу текшерилди. Мындан тышкары, РФнын аймагында жасалган кылмыштарга, анын ичинде уюшкан кылмыштуулукка тиешеси бар же жок экендиги да иликтенген.

Текшерүүнүн жүрүшүндө кармалган кыргыз улутундагылардын 20сы РФнын жараны экендиги аныкталды. Калгандарга Федералдык миграция кызматы тарабынан алардын Россиянын аймагында жүрүүсүнүн мыйзамдуулугу текшерилди. Анын натыйжасында миграциялык мыйзамдуулукту бузган 15 адамга карата аларды өлкө аймагынан депортациялоо үчүн материалдар сотко жөнөтүлдү.

Бул материалды кененирээк аудио форматында http://www.maralfm.kg сайтынан уга аласыздар

Ссылка на оригинал публикации : maralfm.kg

Только зарегистрированные пользователи могут оставлять комментарии. Если у вас есть аккаунт на сайте, пожалуйста, войдите.
Только зарегистрированные пользователи могут отправлять запросы в Комиссию по рассмотрению жалоб на СМИ. Если у вас есть аккаунт, пожалуйста войдите.

Пока ни одного комментария...