Последние публикации

"Ак-Кула" ат майданын жаңыртуу үчүн 650 млн сом талап кылынат

"Ак-Кула" ат майданын жаңыртуу үчүн 650 млн сом талап кылынат

Бул тууралуу ат майданды реконструкциялоо боюнча өкмөттүк жыйында белгилүү болду. Мурдараак ат майданды жаңыртуу үчүн 300 млн сом керек деп айтылган.

Архитектура жана курулуш агенттигинин башчысы Бактыбек Абдиевдин маалыматы боюнча, ипподромду оңдоп-түзөө иштери келерки жылдан башталат. Анын сөзүнө караганда, каржы маселеси да чечилген. Бактыбек Абдиев ат майданды кайра шаардын карамагына өткөрүп алуу боюнча соттук териштирүү аягына чыгары менен курулуш иштери башталарын билдирди.

Жаңыланган ипподром 5500 орундуу болот.

Борбордук "Ак-Кула" ат майданын жаңыртуу маселеси быйыл Нооруз майрамындагы ат оюндарынан кийин көтөрүлгөн. Көкбөрү оюнун көргөнү келген көпчүлүк ат майданга батпай, сырттагы бак-дарактардын жана аянтка жарык берүүчү мамынын үстүнө чыгып алып көрүшкөнү интернетте кызуу талкууга алынган.

"Ак-Кула" ат майданы Бишкек шаарында жайгашкан. Аянты 57,4 гектар, 3000 орундуу.

Бишкек мэриясы 2013-жылдан бери ат майданды карамагына алуу аракетинде "Ак-Кула" акционердик коому менен соттошуп келет.

Ссылка на оригинал публикации : www.azattyk.org

Только зарегистрированные пользователи могут оставлять комментарии. Если у вас есть аккаунт на сайте, пожалуйста, войдите.
Только зарегистрированные пользователи могут отправлять запросы в Комиссию по рассмотрению жалоб на СМИ. Если у вас есть аккаунт, пожалуйста войдите.

Пока ни одного комментария...