Последние публикации

Парламент ЕАЭБге кирүү тууралуу документти 20-майга чейин карап чыгат

Кечээ, 14-майда болгон өкмөттүн жыйынында Экономика министри Олег Панкратов Кыргызстандын Евразиялык экономикалык биримдикке (ЕАЭБ) кирүүсү боюнча документтерди ратификациялоо мөөнөтү жөнүндө айтты.

Эскерте кетсек, 8-майда Евразиялык экономикалык биримдиктин биринчи саммитинде мамлекет башчылары Кыргызстандын альяска кирүүсү жөнүндө документке кол коюшкан.

Министрдин айтымында, Кыргызстандын Евразиялык экономикалык биримдиике кириши боюнча баардык документтер пакети парламенттин кароосуна 18-майда келип түшөт.

"Эки протокол, үч техникалык протокол ошондой эле баардык тиркемелер профилдик комитеттерде ыкчам каралат. 20-майда депутаттар КРдин ЕАЭБге киришин колдой турган пленардык жыйын белгиленди",-дейт министр.

Өкмөт башчысы Темир Сариев документтерди кабыл алууну тездетүүнүн маанилүү экенин белгилеп өттү. "ЕАЭБдин беш мамлекетинин ичинен биз келишим жана протоколдор тез арада ратификацияланышына кызыкдарбыз",-деди өкмөт башчысы.

Ссылка на оригинал публикации : www.kabarordo.kg

Только зарегистрированные пользователи могут оставлять комментарии. Если у вас есть аккаунт на сайте, пожалуйста, войдите.
Только зарегистрированные пользователи могут отправлять запросы в Комиссию по рассмотрению жалоб на СМИ. Если у вас есть аккаунт, пожалуйста войдите.

Пока ни одного комментария...