Акыркы макалалар

"Кумтөр" боюнча сүйлөшүүлөрдү басма сөзгө айтпоону чечишкен

Канаданын Centerra Gold Inc. компаниясы менен "Кумтөр" боюнча сүйлөшүүлөр юристтердин деңгээлинде улантылып жатат. Бул тууралуу бүгүн, 11-сентябрда "ВБ"га "Кыргызалтын" ачык акционердик коомунун башкаруу төрагасы Токон Мамытов билдирди.

"Азыр юристтер өз ара маалымат алмашып жатат. "Кыргызалтын" сүйлөшүүлөр үчүн эл аралык кеп-кеңешчилерден тышкары Бишкектеги "Калибри" юридикалык компаниясын көмөккө чакырган. Centerra дагы жергиликтүү "Каликова & Ассошиэйтс" юридикалык фирмасынын кызматынан пайдаланып жатат",- дейт Мамытов.

Ал өкмөт сүйлөшүү жүргүзүүгө кеп-кеңешчи катары DLA Piper UK жана Pricewaterhouse Coopers компанияларын жалдаганын эскертти.

Анын берген маалыматына таянсак, Centerra компаниясынын өкүлдөрү 25-30-августта Бишкекте болгон сүйлөшүүлөргө катышкан. "Жолугушуу тууралуу эч нерсе айта албайм, анткени Centerra менен ЖМКга кабарлабоо тууралуу сүйлөштүк",- дейт Мамытов.

Белгилей кетсек, буга чейин Башкы прокуратура "Кыргызалтындын" мурдагы башчысы Дилгер Жапаровго карата кылмыш ишин козгогон. Тергөөдөгү маалыматка таянсак, экс-башчы "Кумтөрдөн" 200 млн доллар дивидендди чыгарып кетүү тууралуу чечимди директорлор кеңеши менен акылдашпай туруп кабыл алган. Буга Centerra компаниясынын директорлор кеңеши тынчсызданып сүйлөшүүлөрдү аралыктан жүргүзүп жаткан.

Түп нускага шилтеме : www.kabarordo.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...