Акыркы макалалар

Чаткал районунда бир да мектеп интернет булагына туташтырылган эмес

Жалал-Абад облус аймагындагы 472 жалпы билим берүүчү мектептерди компьютер менен камсыздоо көрсөткүчү 73 пайыз болсо, анын ичинен жаңымуундагы компьютерлер 53 пайызды түзөт. Бул тууралуу КР өкмөтүнүн Жалал-Абад облусундагы өкүлчүлүгүнүн социалдык мониторинг жана өнүктүрүү бөлүмүнүн башчысы Гүлзат Аширова билдирди.

Анын берген маалыматына караганда, мындан сырткары район-шаарлардын 132 жалпы билим берүүчү мектептери интернет булагына туташтырылып, төлөө каражаттарын жергиликтүү өз алдынча башкаруу органдары тарабынан чечилген.

«Ал эми Кара-Көл, Майлуу-Суу шаарларынын бардык мектептери, Таш-Көмүр шаарынын 14 мектебинин 13 мектеби интернет булагына туташтырылган.

Тоолуу Чаткал районундагы бир да мектеп интернет булагына туташтырылган эмес», - деди Г.Аширова.

Түп нускага шилтеме : kyrgyzkabar.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...