Акыркы макалалар

Жалал-Абадда бензин куюучу жайлардын көбү иштебей турат

Жалал-Абад шаарындагы “Томас”, “Ростнефть” компанияларына таандык бензин куюучу жайлар эки күндөн бери иштебей турат. Компания жетекчилиги муну күйүүчү майдын жок экендиги менен түшүндүрүүдө. Учурда бир гана “Газпром” ишканасына тиешелүү жайлар гана ачык. Аталган компанияда күйүүчү майдын 6000 тонна запасы калды. Бул тууралуу “Азаттыкка” Жалал-Абад мэриясынын жергиликтүү экономика бөлүмүнүн башчысы Салыжан Умаров билдирди. Анын айтымында, компанияларга бензин жана солярка жеткирүүчү унаалар кечигип, ушундай маселе жаралууда.

“Томас” ишканасынан кабарлашкандай, аларга күйүүчү май эртең келиши мүмкүн. Жалал-Абадга бензин жана солярка Орусия менен Казакстандан Бишкек аркылуу барат.

Учурда аймакта бензин 46-49 сомдун тегерегинде сатылууда.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...