Акыркы макалалар

Прокуратурада жарандардын арыздары менен иштечү бөлүмдөр түзүлдү

Прокуратурада жарандардын арыздары менен иштечү бөлүмдөр түзүлдү

Башкы прокуратуранын башкармалыктарында жарандардан түшкөн арыздар жана кайрылуулар боюнча иштечү атайын бөлүмдөр түзүлдү. Бул тууралуу маалымат ушул органдан алынды. Маалыматка ылайык, Коопсуздук кеңешинин 8-февралдагы жыйынынан соң бул органга кайрылгандар көбөйгөн. Бул кайрылууларга өз убагында жооп берүү жана чара көрүү максатында Башкы прокуратурада түзүмдүк өзгөртүүлөр болуп, атайын бөлүмдөр түзүлдү.

Ал бөлүмдөрдө иштегендер арыздар менен гана иштемекчи. Ошондой эле алар аймактарга чыгып, кайрылууларды текшерет.

Быйыл 8-февралда Коопсуздук кеңешинин жыйынында президент Сооронбай Жээнбеков коррупция менен күрөштү күчөтүүнү тапшырган. Тапшырманын алкагында Башкы прокуратура жана Улуттук коопсуздук боюнча мамлекеттик комитет мурда токтотулган жана кыскартылган иштерди кайрадан карап чыгууда.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...