Акыркы макалалар

Ат-Башыда 18 адам кутурма жуктурууга шектелип вакцина алды

Ат-Башыда 18 адам кутурма жуктурууга шектелип вакцина алды

Учурда 50 кой өлгөндүгү айтылууда.

Ат-Башы районунда кутурма оорусун жуктуруп алды деген шек менен 18 адам вакцина алды. Бул тууралуу жергиликтүү бийлик органдарына шилтеме берип Sputnik Кыргызстан агенттигинин аймактык кабарчысы билдирди.

Маалыматка караганда, Ак-Сай жайлоосунда койго карышкыр тийген. Өлгөн малдын эти Бишкекке экспертизага алып келинип, аларга кутурган жырткыч кол салганы аныкталган.

"Өлгөн мал көмүлдү. Чабандын үйүнөн жети адам жана алар менен ошол маалда алакада болгон 11 киши ооруканага кайрылышты. Алар эмделип, чабан кутурма жуктурду деген шек менен ооруканага жаткырылды", —деди район акиминин орун басары Жумагүл Тентимишов.

Учурда 50 кой өлгөндүгү айтылууда.

Түп нускага шилтеме : sputnik.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...