Акыркы макалалар

Президенттин жаӊыланган сайты иштей баштады

Президенттин жаӊыланган сайты иштей баштады

Кыргызcтандын президентинин жаңыланган расмий сайты иштей баштады. Бул тууралуу президенттин маалыматтык саясат бөлүмү билдирди.

Мамлекет башчысынын расмий сайтын жаңылоо зарылчылыгы технологиялардын өнүгүшүнө байланыштуу болгону, сайттын жаңы версиясы компьютер, ноутбук, уюлдук телефондордо жана планшеттерде да иштей турганы айтылат.

«Жаңы сайтта негизги басым маалыматтын окумдуулугуна жасалды, ошондой эле фотогалереяны баардык түзүмдөргө жүктөп алуу мүмкүнчүлүгү түзүлдү, иш кагаздары, фото жана видео материалдар менен иштөө жөнөкөйлөштүрүлдү», — деп айтылат президенттин басма сөз кызматы тараткан маалыматта.

Мындан тышкары, «жарандардын кайрылуусун» кабыл алуу системасы жөнөкөйлөтүлүп, бир нече графаларды толтуруу менен кайрылууну жөнөтүү мүмкүн болгону маалымдалды.

Президенттин сайты 2008-жылдан бери алгачкы ирет акыркы технологияларды колдонуу менен иштелип чыккан. Сайт мурдагы www.prezident.kg дарек боюнча жеткиликтүү.

Түп нускага шилтеме : maralfm.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...