Акыркы макалалар

"Азия кубогу 2019": Кыргызстандын атаандаштары аныкталды

"Азия кубогу 2019": Кыргызстандын атаандаштары аныкталды

Футбол боюнча 2019-жылдагы Азия кубогунун тайпалык тандоо оюндарындагы Кыргызстандын атаандаштары белгилүү болду.

4-майда Дубайда өткөн чүчүкулакта континенталдык биринчиликтин финалдык стадиясы үчүн Кыргызстан "С" тайпасына түштү. Ага Түштүк Корея, Кытай жана Филиппин өлкөлөрү да бөлүндү.

ФИФАнын соңку рейтингинде Кыргызстан 75-орунда, Түштүк Корея 61-орунда, Кытай 73-орунда, ал эми Филиппин 113-орунда турат. 2015-жылдагы Азия кубогунда корей командасы күмүш байгеге ээ болгон эле.

2019-жылы боло турган Азия кубогунун 3-раундундагы тандоо оюндарында Кыргызстан жалпысынан алты беттеш өткөрдү. Курама команда 22-мартта Мьянма курама командасын 5:1 эсебинде утуп, Азия чемпионатына жолдомо алган. Кийин 27-мартта Бишкекте Индия курамасы менен ойноп, 2:1 эсебинде жеңишке жеткен.

Кыргызстан Азия кубогунун финалдык бөлүгүндө ойноо укугуна биринчи жолу ээ болду.

2019-жылдагы Азия кубогунун финалдык бөлүгү 5-январдан 1-февралга чейин Бириккен Араб Эмирлигинин төрт шаарында өтөт. Ага 24 команда катышат.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...