Акыркы макалалар

Жамшитов: ишти прокуратура кызматкерлерин тазалоодон баштайбыз

Жамшитов: ишти прокуратура кызматкерлерин тазалоодон баштайбыз

Кыргызстандын башкы прокурорлугуна көрсөтүлгөн Өткүрбек Жамшитов ишти прокуратура кызматкерлерин тазалоодон баштай турганын билдирди. Бул тууралуу Жамшитов 25-апрелде Жогорку Кеңеште анын талапкерлиги талкууланып жаткан жыйында айтты.

- Биринчиден, прокуратура кызматкерлеринин арасындагы тазалануудан баштайбыз. Коррупция менен күрөштү, кадрдык саясатты, материалдык базаны күчөтөбүз. Бизнести колдоп, мыйзамсыз текшерүүлөрдү токтотобуз.

16-апрелде Башкы прокуратуранын Соттордун ыйгарым укуктарын камсыз кылуу башкармалыгынын башчысы Улан Чалбаев 200 миң доллар пара алып жаткан жеринен кармалганын УКМК маалымдаган. Бул фактыдан улам прокуратурадагы жемкорлук маселеси талкууга түшүп, коомчулуктун сыны күчөгөн.

Өткүрбек Жамшитовду башкы прокурорлукка президент Сооронбай Жээнбеков сунуш кылды. 43 жаштагы Жамшитов Оштун Кара-Суу районунда туулган. Прокуратура тармагында бир катар кызматтарда жүрүп, 2015-жылдын июлунан бери Жалал-Абад облусунун прокурору болуп иштеген.

Мурдагы башкы прокурор Индира Жолдубаева президенттин сунушу менен 11-апрелде кызматынан кеткен.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...