Акыркы макалалар

Бирдиктүү мектеп формасын билим берүү мекемелеринин 57%ы колдонууда

Бирдиктүү мектеп формасын билим берүү мекемелеринин 57%ы колдонууда

Мектеп окуучуларынын бирдиктүү формасы окшош болуп, кыздар такасы 3 см. бийик бут кийим кийбеши керек. Мектепте колдонулуучу уюлдук телефондор байланышуу максатында гана колдонууга ылайыктуу болуп, интернети бар смартфондорду пайдаланууга болбойт. Бул балдар арасындагы жик – жикке бөлүнүүгө алып келип, психологиялык өйдө – ылдый абалдын түзүлүшүнө түртөт. Мындай жагдайларды санап берген депутат Махабат Мавлянова бүгүн, 23-апрелде Социалдык маселелер, билим, илим, маданият жана саламаттык сактоо боюнча комитетинин жыйынында өзү демилгелеген “КР жалпы билим берүү уюмдарында инсандын адеп –ахлагын жана интеллектуалдык өнүгүүсүн сактоо, окуудагы жетишүүсүнүн сапатын жогорулатуу боюнча чаралар жөнүндөгү” КР Жогорку Кеңешинин токтом долбоорун баяндап, анын максатын түшүндүрдү.

ЖК басма сөз кызматы билдиргендей, талкуу жүрүшүндө токтом долбоорунда камтылган маселелер Билим берүү жана илим министрлигинин ички буйругу менен жөнгө салына турган маселе экендигин белгилеген Өкмөт өкүлү бул жааттагы сунуштарды дыкат иштеп чыгууга кошумча убакыт берүүнү суранды. Ошентип, аталган долбоор 1 ай аралыгында дагы такталып иштелип чыга турган болду.

Түп нускага шилтеме : kabar.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...