Акыркы макалалар

Бишкекте алтынчы “Билим фестивалы” башталды

Бишкекте алтынчы “Билим фестивалы” башталды

Бүгүн, 20-апрелде Кусейин Карасаев атындагы Бишкек гуманитардык университетинде “Кыргызстандын маданий көп түрдүүлүгү: досторума мейманга” деп аталган ураан алдында алтынчы “Билим фестивалы” башталды.

Ага мектеп окуучулары, студенттер, мамлекеттик жана эл аралык уюмдардын, Кыргызстанда аккредитацияланган элчиликтердин өкүлдөрү катышууда.

Фестивалдын биринчи күнүндө бардык аталган окуу жайда экскурсия болот. Кийинки күндөрү концерт, дүйнө элдеринин бийлери, мектеп окуучуларын дүйнөнүн ар башка тилдериндеги саламдашуу сөздөрүнө үйрөтүү жана студенттердин дебаттары болот.

Мындан тышкары мектеп окуучулары үчүн мастер-класстар, ЗD планетарий жана кесипке багыт берүүчү көргөзмө уюштурулат, ал мектеп окуучуларына келечектеги кесипти тандоого жардам берет.

Фестиваль балдарды жана жаштарды Кыргызстанда жашаган ар түрдүү этностук топтор менен тааныштырууга, аларда ар кыл элдердин этностук көп түрдүүлүгүн жана маданий өз алдынчалыгын урматтоону тарбиялоого багытталган.

Иш-чараны “Роза Отунбаеванын демилгеси” эл аралык коомдук фонду, Бишкек шаарынын мэриясы, ЮНЕСКО иштери боюнча Кыргызстандын улуттук комиссиясы жана К.Карасаев атындагы Бишкек гуманитардык университети уюштурууда.

“Билим фестивалы” 2013-жылдан бери өтүп келатат.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...