Акыркы макалалар

Көпчүлүк коалиция Абылгазиевдин талапкерлигин жактырды

Көпчүлүк коалиция Абылгазиевдин талапкерлигин жактырды

Парламенттеги көпчүлүк коалиция премьер-министрликке Мухаммедкалый Абылгазиевдин талапкерлигин колдоду. Аны КСДП фракциясы көрсөткөн.

Бүгүн Жогорку Кеңеш көпчүлүк добуш менен парламенттеги азчылыктын өкмөткө ишенбестик көрсөтүү жөнүндө сунушун колдоду. Ага 102 депутат “макул”, төртөө “каршы” добуш беришти.

Өкмөттү кызматтан кетирүү жөнүндө жарлыкка президент Сооронбай Жээнбеков бүгүн кол койду. Мындан соң КСДП, "Бир Бол" жана "Кыргызстан кирген парламенттеги көпчүлүк коалицияга “Республика – Ата Журт” фракциясы кошулду.

Эртең, 20-апрелде Жогорку Кеңеш кезексиз жыйынга чогулуп, жаңы өкмөт маселесин талкуулайт.

Мухаммедкалый Абылгазиев учурда президенттик аппараттын башчысы милдетин аркалайт.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...