Акыркы макалалар

Дагы жаан жаайбы? Бир жумага карата аба ырайы

Дагы жаан жаайбы? Бир жумага карата аба ырайы

Түштүк-чыгыштан соккон шамалдын ылдамдыгы секундасына 3-8 метрге жетет

Кыргызгидромет агенттиги бир жумага карата аба ырайынын божомолун таратты. Ага ылайык алдыдагы аптада жаан-чачын күтүлбөйт. Түштүк-чыгыштан соккон шамалдын ылдамдыгы секундасына 3-8 метрге жетет.

18-21-март күндөрү Чүй жана Талас өрөөндөрүндө 18…23 градус жылуу болот. Ал эми 22-мартта абанын температурасы Таласта 19…24, Чүйдө 21…26 градуска чейин жетет.

Ош, Жалал-Абад жана Баткен облустарында дагы жаан-чачын күтүлбөйт. Күндүз 18…23 градус жылуу болоору божомолдонууда. 22-мартта күндүн табы көтөрүлүп 20…25 градус ысык болот.

Тоолуу Нарында абанын температурасы 18-март күнү 7…12, 19-20-мартта 8…13, 21-мартта 5…10, 22-мартта 6…11 градус жылуу болушу күтүлөт.

Ысык-Көл облусунда болсо 18-мартта абанын температурасы 7…12, 19-20-мартта 9…14, 21-мартта 6…11, 22-мартта 8…13 градуска чамалап барат.

Бишкек жана Ош шаарларында 18-20-мартта күн ачык болуп, 20…22 градуска чейин жылыйт.

Апта соңунда, 23-24-мартта өлкө аймагында абанын температурасы бир аз төмөндөп, кээ бир райондордо жаан жаашы күтүлөт.

Түп нускага шилтеме : sputnik.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...