Акыркы макалалар

"Көчмөндөр оюндарына" тандоо мелдештери өтөт

"Көчмөндөр оюндарына" тандоо мелдештери өтөт

5-6-март күндөрү Каба уулу Кожомкул атындагы Спорт сарайында алыш күрөш боюнча өлкө чемпионаты өтөт. Мелдеште быйылкы сентябрь айында өтүүчү III Дүйнөлүк көчмөндөр оюндарына спортчулар тандалат. Бул тууралуу Жаштар иштери жана спорт агенттигинин маалымат бөлүмү билдирди.

Мелдеш кыздар жана балдар арасында өткөрүлүп өлкөнүн бардык аймактарынан балбандар катышат. Чемпионатты өткөрүүгө мамлекеттен 158 миң сом бөлүнгөн.

2018-жылы III Дүйнөлүк көчмөндөр оюндары 2-сентябрда башталат. Ачылышы Чолпон-Ата шаарындагы ипподромдо болот.

"Көчмөндөр оюнунда" улуттук спорттун 36 түрүнөн таймаштар өтөт. Ага 80 мамлекеттен 3000 спортчу катышары күтүлүүдө. Андан тышкары, 50 өлкөдөн журналисттер келет.

III дүйнөлүк "Көчмөндөр оюндарына" даярдык 2017-жылдын 15-декабрында башталган.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...