Акыркы макалалар

Франциянын мурдагы маданият министри ЮНЕСКО жетекчиси болуп шайланды


Франциянын мурдагы маданият министри ЮНЕСКО жетекчиси болуп шайланды

ЮНЕСКОнун жаңы директору болуп Франциянын 45 жаштагы мурдагы маданият министри Одри Азуле шайланды. Уюмдун аткаруу кеңешиндеги добуш берүүдө аны 58 мүчө 30у колдогон.

Эми бул чечим 10-ноябрда ЮНЕСКОнун башкы сессиясында бекитилиши керек. 2009-жылдан бери аталган уюмду эки мөөнөт катары менен Болгариянын өкүлү Ирина Бокова жетектеп келген.

АКШ 12-октябрда 2018-жылы уюмдун курамынан чыга турганын жарыялады. Муну ЮНЕСКОнун Израилге каршы позициясы менен байланыштырган. Вашингтонго удаа эле ЮНЕСКОдон чыгуу ниетин Израил да билдирди.

АКШ уюмду каржылоону 2011-жылы, анын курамына Палестин автономиясы кабыл алынгандан кийин токтоткон.

Израил болсо бир жыл мурда Храм тоосундагы мечиттерди сактоо тууралуу резолюция кабыл алып, андан кийин ЮНЕСКО менен байланышты үзгөн.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...