Акыркы макалалар

Трамп: "Фейк маалыматтарды" тараткан ММКлардын лицензиясы алынышы мүмкүн


Трамп: "Фейк маалыматтарды" тараткан ММКлардын лицензиясы алынышы мүмкүн

АКШ президенти Дональд Трамп такталбаган маалыматтарды тараткан ММКлар жабылышы мүмкүн экенин билдирди.

Трамптын каардануусуна NBC News телеканалында чыккан кабар себеп болгон. Анда бир нече ай мурун Пентогон жыйынында АКШ президенти өзөктүк арсеналдарды он эсеге көбөйтүү зарылдыгын айтканын, бул үчүн мамлекеттик катчы Тиллерсон аны “келесоо” деп атаганын билдирген.

АКШ президенти өзөктүк арсенал жана Тиллерсон жөнүндөгү маалыматтар аны каралоо үчүн ойдон чыгарылганын белгилеп, жалган маалымат берген телеканалдардын лицензиясы жокко чыгарылышы мүмкүн экенин эскертти. Укук коргоочулар мамлекет башчынын бул билдирүүсүн Конституция менен кепилдендирилген сөз эркиндигине асылуу катары баалап жатышат.

Трамптын шайлоо штабы менен Орусиянын ыктымал байланышы иликтенип жаткан маалда ал Чалгындоо комитетине ММКлардагы “фейк маалыматтарды” иликтөөнү сунуштады. АКШ президенти эң орчундуу саясий маселелер боюнча ар түрдүү көз караштарды камтууну милдеттендирген 1987-жылы жоюлган тарипти калыбына келтирүү зарылдыгын да айтты.

Түп нускага шилтеме : www.centralasian.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...