Акыркы макалалар

Бишкекте күндөн энергия алуучу коллекторлор ишке киргизилди


Бишкекте күндөн энергия алуучу коллекторлор ишке киргизилди

Бишкекте 22-сентябрда күндөн энергия алуучу коллекторлор долбоору ишке киргизилди. 364 даана күн коллекторлорунун ар бири 1,4 кВт/саат кубаттуулукка ээ, ал эми жаңы жабдуулардын жалпы кубаттуулугу 0,518 МВТка же болбосо 0,445 Гкал/саатка барабар. Мындан жыл сайын 2,2 млн сомдук 124,8 миң куб метр көлөмүндөгү жаратылыш газы үнөмдөлөт.

«Бишкекжылуулукэнерго» ишканасы билдиргендей, күн коллекторлору Гагарин көчөсүндөгү откананы камсыздайт. Аталган отканадан №5 мончо, №141 бала бакча, №55 орто мектеп, 34 тиричилик абоненттери жана 4 жатакана жылуулук алат.

Долбоор сыноо иретинде ишке ашырылды жана Бишкектин экологиялык кырдаалын жакшыртууга, казылып алынуучу отун ресурстарын үнөмдөөгө багытталган.

Мындан тышкары жылуулук берүү сезону башталганга чейин “Орто-Сай” отканасына кошумча коллекторлорду орнотуу болжолдонуп жатат.

Эске сала кетсек, күн коллекторлорун орнотуу долбооруна Республикалык айлана-чөйрөнү коргоо фондунун чечими менен 10,6 млн сом кошумча каржылоо шарты менен бөлүнгөн. Долбоордун жалпы наркы 14,8 млн сомду түзөт.

Түп нускага шилтеме : maralfm.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...