Акыркы макалалар

Милдеттүү медициналык камсыздандыруу фондунун бюджетин 13,43 млрд сом өлчөмүндө бекитүү сунушталды


Милдеттүү медициналык камсыздандыруу фондунун бюджетин 13,43 млрд сом өлчөмүндө бекитүү сунушталды

Саламаттыкты сактоо министрлиги 2018-жылга карата Милдеттүү медициналык камсыздандыруу фондунун бюджетин 13,43 млрд сом өлчөмүндө бекитүүнү сунуштады. Бул боюнча мыйзам долбооруна жазылган негиздеме-катта айтылган.

Министрлик даярдаган мыйзам долбоорунун максаты, Фонддун 2018-жылга бюджети жана 2019-2020-жылдарга божомолу боюнча негизги параметрлерин кабыл алуу болуп саналат. Ал боюнча Милдеттүү медициналык камсыздандыруу фондунун бюджети 2018-жылга кирешелер боюнча 13 млрд 429 млн 825 миң сомго болжолдонуп, чыгаша бөлүгү да ушул эле суммада түзүлгөн.

Ал эми 2019-жылга карата бюджети кирише жана чыгашасы кошкондо 13 млрд 448 млн 673,1 миң сом өлчөмүндө түзүлсө, 2020-жылга карата бюджет 13 млрд 706 млн 411,5 миң сомго болжолдонгон.

Бюджет кодексинин 12-беренесине ылайык, Милдеттүү медициналык камсыздандыруу фондунун бюджети базалык мамлекеттик жана милдеттүү медициналык камсыздандыруу жаатындагы мамлекеттик саясатты ишке ашыруу мамлекеттик органдын ишин каржылоого багытталган.

Түп нускага шилтеме : maralfm.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...