Акыркы макалалар

Кадамжайдын Кайтпас айылына Өзбекстандан суу бериле баштады

Кадамжайдын Кайтпас айылына Өзбекстандан суу бериле баштады

Кыргыз-Өзбек чегиндеги суу маселеси чечилип, Кадамжай районуна караштуу Кыргыз-Кыштак аймагындагы Кайтпас айылына Өзбек тараптан суу бериле баштады. Сох-Шахмардан каналы аркылуу кыргыз тарапка суунун жетпей калышынын себеби, аба-ырайынын кескин өзгөрүшүнөн дарыядагы суу азайып кеткен. Суу каналынын башы Өзбекстанда болгондуктан, алар өз жерлерин сугарып, Кыргызстанга суу берүүнү токтотуп коюшкан. Баткендин Кадамжай районуна келүүчү СШК каналы 14-18-июлга чейин буулуп, эки өлкөнүн бийлик өкүлдөрүнүн сүйлөшүүлөрүнөн кийин суу келе баштаган.

Кошумчалай кетсек, Баткен облусу Кыргызстандагы суу жетишсиз регион болуп саналат. Учурда Суу чарба жана мелиорация департаментинин 2011-2015-жылдарга бекитилген программасынын негизинде Кадамжай районунда Кара-Кыштак каналы жана Бүргөндү массивинде 95 км. ички чарба каналы курулууда.

Бул материалды кененирээк аудио форматында http://www.maralfm.kg сайтынан уга аласыздар

Түп нускага шилтеме : maralfm.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...