Акыркы макалалар

Мүмкүнчүлүгү чектелген адамдардын облустук спартакиадасы болуп өттү

Майлуу-Суу шаарында 18-май күнү ден соолугунан мүмкүнчүлүгү чектелген адамдардын арасында облустук IV спартакиадасы болуп, ага жалпы облустун аймагынан жана Бишкек шаарынан 71 катышуучу катышты.

Бул тууралуу КРнын өкмөтүнүн Жалал-Абад облустук өкүлчүлүгүнүн социалдык мониторинг жана өнүктүрүү бөлүмүнүн башкы адиси Абдылда Камбаров билдирди. Анын берген маалыматына караганда, спартакиадага келген катышуучулар спорттун: шахмат, шашки, гир көтөрүү, кол күрөш жана коляскада жарышуу түрлөрү боюнча оюн өткөрүштү. Спартакиаданы өткөрүү үчүн өкмөттүн облустагы өкүлчүлүгү тарабынан 30 миң сом акча каражаты бөлүнгөн. Ал эми спартакиаданын жалпы сыйлык фонду 102 миң сомду түзгөн. «Майлуу-Суу шаарында аталган спартакиаданы өткөрүү максатында 7-майда марафон өткөрүлгөн. Иш-чаранын жыйынтыгында жеңүүчүлөргө медаль, диплом жана акчалай сыйлыктар тапшырылды. Ушундай иш-чараларды жыл сайын өткөрүп туруу жөнүндө буйрукка толуктоолор киргизилип, кол коюу алдында турат»,-дейт А.Камбаров.

АНАРХАН ЖАҢЫБАЕВА, ЖАЛАЛ-АБАД

24.05.2013, №20

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...