Акыркы макалалар

Нарын.“Тузакка түшкөн бала” аттуу спектекль окуучуларга көрсөтүлүүдө

Бүгүн Нарын шаарындагы Жаштар үйүндө “Тузакка түшкөн бала” аттуу 20 мүнөттүк спектакль шаардагы мектеп окуучуларына тартууланды. Анда, ата-энеси Россияга иштегени кеткен, Нарын шаарындагы мектептердин биринде окуган баланын башынан өткөргөн окуясы, рекетчиликке, талап тоноого жана ур-токмокко кабылганы баяндалат. Спектакилдин сценарийин Нарын шаарындагы №7 Матен Сыдыков атындагы мектептин мугалимдери иштеп чыгышкан. Аталган мектептин директору Жийде Көкөтаеванын маалыматында спектакль өспүрүмдөр арасындагы кылмыштуулукту, рекетчиликти жана талап-тоноочулукту алын алуу максатындагы республикалык “Тынчтык жаштары театры” долбоорунун алкагында көрсөтүлүп жатат. Спектакль шаардагы окуучулардын баардыгына көрсөтүлөт. Келээрки көрсөтүүдө ата-энелерди да чакырабыз, анткени алар да балдарын таштап алыс жакка кетпеш керектигин түшүнүүлөрү зарыл,-дейт Ж. Көкөтаева.

Долбоорго Нарын шаарындагы №7 мектеп жана Ат-Башы районунун Ак-Муз айлындагы Боогачы атындагы мектеби катышып конкурстан өтүшкөн. Долбоор ЮСАИД жана Айрекс уюмдары аркылуу колдоого алынып, өспүрүмдөр арасындагы жат көрүнүштөрдү алдын алуу максатындагы иш-чараларды өткөрүүнүн методикасы атайын окутулган.

Түп нускага шилтеме : www.naryn.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...