Акыркы макалалар

Ак-Талаа районунун Жаңы-Тилек айылынан кутурма чыгып, карантин киргизилди

Ак-Талаа районунун Жаңы-Тилек айылынан кутурма чыгып, карантин киргизилди

Ак-Талаа районунун Жаңы-Тилек айылында мал тиштеген түлкүдөн кутурма дарты табылды. Анын денеси ветеринардык эреже менен жок кылынды.

Нарын облусунун Ак-Талаа районундагы Жаңы-Тилек айылында малды тиштеген түлкүдөн кутурма дарты аныкталып, карантин киргизилгенин Өзгөчө кырдаалдар министрлигинин маалымат кызматы билдирди.

Нарын облусунун Ак-Талаа районунун Жаңы-Тилек айылында жергиликтүү тургундардын бир музоосун жана коюн 9-апрелде түлкү иштеп, арткы буттарын жаракат алган. Түлкү өлтүрүлүп, анын башы 10-апрелде Бишкек шаарындагы Республикалык мамлекеттик ветеринардык дарт аныктоо жана эскпертизациялоо борборуна кутурмага текшерүү үчүн жөнөтүлгөн. Экспертизанын жыйынтыгы 13-апрелде чыгып, түлкүнүн баш мээсинен кутурма оорусунун козгогучу аныкталган.

Оорунун үй жандыктары арасында жайылбоосу үчүн Жаңы-Тилек айылындагы иттерди каттоого алып, айыл аймагы боюнча кутурма оорусуна каршы 92 ит алдын ала эмдөөлөрдөн өткөрүлдү.

Ак-Талаа райондук мамлекеттик администрациясынын буйругу менен Ак-Чий айыл аймагына Кутурма ылаңына каршы карантин киргизилди. Иликтеп байкоонун негизинде жугуштуу оорунун жайылуу белгилери жок.

Түп нускага шилтеме : sputnik.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...