Акыркы макалалар

Кыргызстанда 27-мартта Эл аралык «Эстутум эстафета» жараяны өтөт

27-мартта Кыргызстандын борборунда Улуу Ата Мекендик согуштагы Жеңиштин 70 жылдыгына арналган эл аралык «Эстутум эстафетасы» жараяны өтөт. Бул иш-чара Көз карандысыз мамлекеттер шериктештигинин Парламенттер аралык ассамблеясынын демилгеси менен уюштурулган.

Анда Бишкек шаарынын «Жеңиш» аянтындагы Түбөлүк оттун тамызгысын алуу аземи жана «Жашыл толкун» жараяны – Улуу Ата Мекендик согуштагы Жеңиштин 70 жылдыгына арналган көчөт отургузуу иш-чарасы болот. Эске салсак, «Жашыл толкун» жараяны ушул жылдын 11-мартында Беларустун Минск шаарында башталып, андан ары Баку (Азербайжан), Кишинев (Молдова) шаарларында улантылган.

Баардык КМШ өлкөлөрүнөн алынган Түбөлүк от тамызгылары Санкт-Петербург шаарына жеткирилип, 16-апрель күнү КМШ ПААнын штаб-квартирасы жайгашкан Таврия сарайынын алдында өтүүчү салтанаттуу иш-чара алкагында КМШ ПААнын катышуучу-мамлекеттеринин өкүлдөрү тарабынан Шериктештиктин символу катары от тамызгылары бир бүтүнгө бириктирилмекчи.

Түп нускага шилтеме : saresep.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...