Акыркы макалалар

Кулов: Немцовдун өлтүрүлүшү Россиянын бийлигине пайда алып келмек эмес

Кыргызстандын парламентиндеги коалициялык көпчүлүктүн башчысы Феликс Кулов Борис Немцовдун өлтүрүлүшү Россиянын жетекчилигине эч кандай пайдасы жок деп эсептейт. Себеби, Немцов оппозиционер болгону менен анын саясый ишмердиги Россиянын бийлигине эч кандай чоң зыян тийгизген эмес.

Кыргызстандын парламентиндеги коалициялык көпчүлүктүн башчысы Феликс Кулов Россиянын экс-вице-премьер-министри Борис Немцовдун өлтүрүлүшү боюнча Sputnik сайтынын кабарчысына пикирин билдирди.

Чынын айтканда, мен абдан таң калдым. Ачык айтайын, аны өлтүрүп кетишти деген кабарды укканда шок болдум. Анын туугандарына жана жакындарына көңүл айтам.

Чүй облусунун губернатору болуп турганда Немцов менен байланышым бар болчу. Немцов ал учурда Нижегород облусунун губернатору болчу. Жеке мен Немцов менен жолуккан эмесмин, бирок Нижегород облусунда жүргүзүлүп жаткан жер реформасы менен таанышуу үчүн биздин делегацияны жибергем. Ал биздин делегацияны жылуу тосуп алган. Ошондо мен ага саясатчы катары жогору баа бергем. Кийин мен анын саясый кареьерасына маал-маалы кызыгып турчумун. Анын бардык эле ою менен макул болууга болбойт. Бирок, саясатчы катары калыптанышын, оппозицияга кетишин карап туруу кызыктуу болду.

Менде биринчи эле пайда болгон суроо – анын өлүмү кимге керек эле?

Менимче Немцовдун өлтүрүлүшү Россиянын жетекчилигине эч кандай деле пайда алып келбейт. Себеби, Немцовдун саясый ишмердиги Россиянын бийлигине эч кандай кооптонуу жараткан эмес. Анткени ал олуттуу акцияларды уюштуруп, россиянын мамлекеттүүлүгүнө коркунуч туудурган жок. Дагы бир жолу кайталайын, бул Россиянын бийлигине пайдалуу эмес.

Балким Немцовду жок кылуу Россиянын саясый атаандаштарына керек болгондур? Кимдир бирөө Немцовду өлтүрүп, Россиянын бийлигине компрамат топтоого аракет кылды дегенге ишенгим келбейт. Билбейм. Мындай кир ыкманы колдонуу үчүн өтө эле акылсыз болуш керектигин да эске алыш керек. Мунун артынан кандайдыр бир акциялардын болуп кетиши мүмкүн. Профессионалдык жактан алганда бардык версиялар тең каралыш керек.

Биринчи эле оюма келген нерсе – анын өлтүрүлүшү ишмердигине байланыштуу эмес. Бул жерден эч кандай саясый илинчээк көргөн жокмун.

Ар бир багыт боюнча бардык версиялар каралышы керек. Өзгөчө аны Украинадан келип коштоп жүргөн кызды да караш керек.

Дагы бир вариант – коммерциялык болушу мүмкүн. Себеби, саясат жүргүзүү үчүн да каражат керек. Бул жерде да эске ала турган учурлар бар.

Ал "коррупциялык куйрукту" басып алышы мүмкүндүгү да чоң. Эсиңерде болсо Немцов бул тууралуу китеп да жазган. Көп каражат айланган көмүскө бизнес мындай ачыкка чыгууларды каалабайт.

Түп нускага шилтеме : sputnik.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...