Акыркы макалалар

Москва бийлиги диний карикатураларды айыптаган митингдерге каршы

Москва мэриясы диний ишмерлердин чагымчыл мүнөздө делген “Шарли Эбдо” журналынын карикатураларына каршы өткөрчү митингдерине уруксат бербей тургандыгын билдирүүдө. Диний коопсуздук боюнча департамент башчысы Алексей Майоров:

- Акцияны диний ишмерлер эмес, Махачкаладан келгендер уюштуруп жатыптыр. Абакаров жана Мирзаев аттуу жарандар буга чейин да эмгек мигранттары менен митинг өткөрүүгө аракет кылышкан, - деди.

Майоров кошумчалагандай, Москва бийлиги ар кандай чагымдардын алдын алуу үчүн тартип коргоо органдарына кайрылат.

Мындан мурдараак 25-январга белгиленген митингге жүз миңге жакын адам катышары айтылган. Акциянын уюштуруучуларынын айтымында, Москвадагы мусулмандар Франциянын “Шарли Эбдо” сатиралык журналындагы диний карикатураларга каршылыгын билдирүүнү ниет кылышууда.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...