Акыркы макалалар

Ош шаарынын окуучулары Казакстанда эл аралык олимпиадага катышат

Ош шаарындагы №17 мектептин 11-классынын окуучусу Каныбек кызы Каныкей математика сабагынан, №32 мектептин 10-классынын окуучусу Ташиев Колдошбек физика сабагынан Казакстандагы Жаутыков атындагы физика-математика гимназиясында өтүүчү эл аралык олимпиадага катышат.

Бул тууралуу “Азаттыкка” Ош шаардык билим берүү башкармалыгынын жетекчиси Куштарбек Кимсанов билдирди.

“Учурда аталган окуучулар олимпиадага кызуу даярданууда. 27-декабрдан баштап, шаардагы “Сема” жана “Себат” түрк лицейлеринин олимпиадага даярдоо программасына катышып, окуудан өтүп жатышат”, - дейт Кимсанов.

2014-жылдын 9-декабрында Ош шаарындагы бардык мектептердин окуучуларынын арасында эл аралык олимпиадага катышуу үчүн сынак өткөрүлүп, жыйынтыгында жогорудагы эки мектептин окуучулары тандалып алынган.

Олимпиада 11-17-январда Казакстандын Алматы шаарында өтөт.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...