Акыркы макалалар

Бабанов: Баш мыйзамды өзгөртүү керек

Мурдагы премьер-министр, “Республика - Ата-Журт” партиясынын тең төрагасы Өмүрбек Бабанов азыркы бийлик системасы жоопкерсиздикке алып келгенин, ошондуктан аны өзгөртүү керектигин белгиледи. Бийлик системасын өзгөртүү үчүн Конституцияны өзгөртүү керек. Ал мындай пикирин “Азаттыктын” “Ыңгайсыз суроолор” теле берүүсүндө суроолорго жооп берип жатып билдирди.

27-декабрдагы жыйынтыктоочу маалымат жыйынында президент Алмазбек Атамбаев Баш мыйзамды өзгөртүү сунушу боюнча позициясын билдирип, сот реформасы, шайлоого байланышкан жагдайларды жөнгөрүү үчүн айрым беренелер өзгөрүшү керек деген эле.

Өлкөнүн Башмыйзамы акыркы ирет 2010-жылдагы ыңкылаптан кийин жаңыланып, референдум аркылуу бекитилип, ага 10 жылга чейин өзгөртүү киргизилбесин деген жобо кабыл алынган.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...