Latest articles

Кутурма катталган айылда эпизоотикалык абал тынч

Кутурма катталган айылда эпизоотикалык абал тынч

Ысык-Көлдүн Ак-Суу районунун кутурма катталган Отрадное айылында учурда эпизоотикалык абал тынч. Бул тууралуу бүгүн “Азаттык” радиосуна Ветеринардык жана фитосанитардык коопсуздук боюнча мамлекеттик инспекциянын Ысык-Көл облусундагы координатору Бакыт Шарапов билдирди.

Анын айтымында, 10-октябрда Отрадное айылынын үстүндөгү Тасма жайлоосунда Элдияр Дөңкөевдин уйу кутурмага шектелип, союлгандан кийин башы ветеринардык лабораторияга жөнөтүлгөн. 11-октябрда экспертизадан кийин бул диагноз тастыкталып, уйдун эти ветеринардык-санитардык эрежелерге ылайык көмүлгөн.

- Учурда эпизоотикалык абал тынч. Жаратылышта кутурманы карышкыр, түлкүлөр алып жүрөт. Бир учурда алар кутуруп, малга, адамдарга кол салат. Бул жерде, балким, түлкү ошол уйду тиштеп алган, - деди Шарапов.

Айылга чектөө киргизилип, уйду сойгон эки мал доктур, мал ээси, малчы жана 595 баш мал медициналык эмдөөдөн өткөрүлдү.

Original url : www.azattyk.org

Only registered users can post comments. If you have account, please signin here.
Only registered users can post complaints. If you have account, please signin here.

No comments so far...